د فېسبوک په پاڼه روان وم، د خلکو پوسټونه مې کتل.
د يوې ماشومې ويډيو په ليدو ودرېدم.
د پلى بټنې ته مې ټک ورکړ.
يو سړى ماشومې ته وايي:
"پلار دې څه شو؟".
"مړ شوى". ماشومه ځواب ورکړي.
"چرته مړ شوى".
"مړ شوى".
سړى ترې بيا پوښتنه کوي:
"پلار دې چرته مړ شوى؟".
"جنګ کې".
ما محسوس کړه، چې زه ژاړم.
په سترګو مې لاس راښکه، اوښکې،
اوښکې خو نه وې.
نه پوهېدم ولې،
د لېپ ټاپ په سکرين مې وليدل،
"پلار مې مړ شوى".
"چرته؟".
"په جنګ کې".
زما د لور سترګو نه،
دوه غټې اوښکې روانې وې.
0 comments:
Post a Comment