"له انټرنېټه د پېسو ګټلو ٦٠٠ لارې"

په افغانستان کې که څه هم د کتاب د لوست کچه ټيټه ده، خو هره ورځ په پښتو ژبه کې نوي نوي کتابونه چاپ کېږي، چې له شاعرۍ او ادبياتو پرته په نورو مهمو سکالوګانو ليکل کېږي. په دې لړ کې يو نوى کتاب ((له انټرنېټه د پېسو ګټلو ٦٠٠ لارې)) په نوم چاپ شوى دى، چې په پښتو کې لومړنى داسې کتاب دى، چې له انټرنېټه د پېسو ګټلو په اړه دى.

د کتاب ليکوال رحمت ديوان دى، چې له دې مخکې يې هم څلور کتابونه خپاره شوي دي. نوموړي د ((تړون))، ((د عدم تشدد علمبردار څوک و؟))، ((خدمت؟)) او ((بريالى ماموريت)) په نوم کتابونه ليکلي دي، چې لوستونکو خوښ کړي دي.

خو دا ځل رحمت ديوان داسې يو کتاب ليکلى، چې تراوسه پورې پرې ډېر خلک باور هم نه کوي، خو په کتاب کې په بشپړ ډول په دې اړه مالومات ورکړل شوي دي او شپږ سوه لارې په ګوته شوي دي، چې خلک ترې پېسې ګټلاى شي.

په دې کتاب کې نه يواځې دا چې له انټرنېټه د پېسو ګټلو ٦٠٠ لارې په ګوته شوي دي، بلکې ليکوال په لومړي سر کې خپلې تجربې هم په کتاب کې ورزياتې کړي دي، نوموړى وايي چې له ٢٠١٠ز کال راهيسې په انټرنېټ انلاين کار کوي او تر دې دمه پکې لګيا دى.

ليکوال د شپږو سوو لارو ترڅنګ د ځينو اکاونټونو د جوړولو اړوند هم خپلې تجربې شريکې کړي دي او د يادو اکاونټونو د جوړولو په اړه يې هم بشپړ مالومات ورکړي دي.

د کتاب تر څنګ د #ډيجيټل_افغانستان او #DigitalAfghanistan هشټيګونه هم کارول شوي دي، په دې اړه ليکوال وايي، چې غواړي افغانستان په ډيجيټل نړۍ کې وځلېږي. هغه زياتوي، په نوره نړۍ کې خلکو په ډيجيټل يا انټرنېټي برخه کې ډېر پرمختګونه کړي دي، خو افغانستان اوس هم په دې برخه کې ډېر وروسته دى.

د کتاب ترلاسه کولو ادرسونه:

ننګرهار: ١-: مومند کتابپلورنځى ٢-: ختيځ کتابپلورنځى ٣-: مازيګر کتابپلورنځى ٤-: کلاسيک کتابپلورنځى

کابل: ٥-: اکسوس کتابپلورنځى ٦-: سروش کتابپلورنځى

کندهار: ٧-: کروړ کتاب او قرطاسيه پلورنځى

خوست: ٨-: ژوندون کتابپلورنځى

پکتيا: ٩-: روحاني کتابپلورنځى

نور ولولئ

خپل د فېس بک اکاونټ د هېکرانو نه څنګه بچ کړو؟؟؟

سلامونه مينه والو! نن زه غواړم چې تاسو ته په دې هکله ووايم چې خپل د فېس بک اکاونټ د هېکرانو نه څنګه بچ کولی شئ، څنګه خپل اکاونټ محفوظولی شئ چې څوک يې هېک نه کړي، نو دا ليکنه په هم دې خاطر ده، د دې نه وروسته به څوک ونه کړی شي چې ستاسو اکاونټ هېک کړي او يا ستاسو ذاتي څيزونو ته لاس رسی ولري.

په دې نزديو کښې مونږ وليدل چې د ډېرو ملګرو اکاونټونه بلاک يا هېک شول او يا اوس هم بلاک کېږي او هېک کېږي، نو راځئ چې اوس دا زده کړو او دا وکړو چې څنګه زمونږ اکاونټ ته بل څوک لاس رسی ونه لري، څنګه بل څوک ونه کړی شي چې زمونږ اکاونټ هېک کړي، دا ډېره ضروري ده چې تاسو خپل اکاونټ د هر قسمه هېکرانو نه بچ کړئ چې ستاسو ذاتي څيزونه محفوظ پاتې شي.

• په فېس بک کښې په خپله پلی کېدونکې ويډيوګانې څنګه بندې کړو؟

د ټولو نه مخکښې په فېس بک کښې خپل اکاونټ سائن ان کړئ، بيا Settings ته ورشئ، بيا Security Settings ته ورشئ (سيکيورټي سيټنګ ته ورتلو دپاره دلته کلک وکړئ)، بيا د Login Alerts په آفشن باندې کلک وکړئ، دلته تاسو ته Notifications, Email or Text Messages درې آفشنې درکوي، که ستاسو هر يو خوښ وي نو يو پکښې سيليکټ کړئ، خو زما مشوره به درته دا وي چې تاسو درېم يعنې Text Messages سيليکټ کړئ، هلته Text login alerts to (mobile number) سيليکټ کړئ او Save يې کړئ.

د اکاونټ په محفوظ کولو باندې زمونږ ويډيو دلته کتلی شئ. ويډيو کتو دپاره کلک وکړئ. 

ورپسې Login Approvals ته ورشئ، په Require a security code to access my account form unknown browsers باندې نښه ولګوئ، په Get started باندې کلک وکړئ، Continue يې کړئ، بيا به ستاسو موبائل نمبر ته يو کوډ درشي، هغه د کوډ په خانه کښې ورکړئ او Continue بټن باندې کلک وکړئ، بيا به ستاسو مخې ته د Login approvals setup is complete باکس راشي، هلته په No thanks, require a code right away باندې نښه ولګوئ او Close يې کړئ.

• د يوټيوب نه بغېر د ډاونلوډره ويډيو څنګه ډاونلوډ کړو؟

نو په دې طريقه باندې تاسو وکړی شول چې خپل اکاونټ محفوظ کړئ او د هېکرانو د لاس نه يې بچ کړئ او خپل ذاتي څيزونه د نورو نه لرې وساتئ، که بيا هم څه مسئله وي نو ما خبرولی شئ.

نور ولولئ

په فېسبوک کښې په خپله پلی کېدونکې ويډيوګانې څنګه بندې کړو؟

سلامونه مينه والو! نن درته په دې هلکه چې تاسو به په خپل فېسبوک دېوال باندې وينئ چې کومه ويډيو ستاسو مخې ته راځي نو په خپله Automatic پلی Play کېږي. دا ځينې وخت کښې ډېره لويه مسئله شي، د ځينو خلکو نېټ ډېر کمزوری وي نو چې کله دا په wall راتلونکې هره ويډيو هم پلی Play کېږي نو بيا يې نېټ نور هم کمزوری شي، يا ستاسو نېټ د پېسو په حساب وي او چې تاسو څومره ډېر څيزونه ګورئ يا پلی کوئ نو هغه هومره ستاسو پېسې يا MBs ختمېږي، نو په دې وجه هم ستاسو دپاره دا يوه لويه مسئله شي.

• بغېر د ډاونلوډر نه د فېس بک نه ويډيو څنګه ډاونلوډ کړو؟

د فېسبوک د کاروونکو دپاره دا يو ډېر لوی سر درد دی، يو کس به غواړي چې بل څه وګوري او هر سيکنډ پس ورته ويډيو په خپله، بغېر د اواز نه پلی کېږي، يا به څوک نه غواړي چې ويډيو وګوري او ويډيو ورته په خپله پلی کېږي، نو د دې نه د خلاصي دپاره په دې لاندې طريقه باندې عمل وکړئ او د دې جنجال نه ځان خلاص کړئ.

• د فېس بک د ټېګونو نه ځان څنګه خلاص کړو؟

د ټولو نه مخکښې خپل فېس بک راخلاص کړئ، بيا سيټنګ ته ورشي (سيټنګ ته تلو دپاره دلته کلک وکړئ)، د سيټنګ په آفشنز کښې لاندې وګورئ، چپ اړخ ته به د ټولو نه لاندې ويډيو Video ليکلي وي، په دې باندې کلک وکړئ، بيا د Auto-Play Videos آفشن ښي اړخ ته وګورئ، دلته به يوه بټن وي چې پرې به يې ليکلي وي Default، په دې باندې کلک وکړئ او دا Off ته بدله کړئ او Save يې کړئ.

په دې لاندې تصوير کښې يې طريقه د ۱ او ۲ په شکل کښې وګورئ.

• بغېر د ډاونلوډر نه د يوټيوب نه ويډيو څنګه ډاونلوډ کړو؟

په ويډيو کښې دا طريقه کتلو دپاره په دې لنکونو باندې کلک وکړئ:
 ويډيو په وېبپاڼه کښې | ويډيو په يوټيوب کښې

اوس به ستاسو مخې ته راتلونکې ويډيوګانې په خپله نه پلی Play کېږي، اميد دی چې تاسو په په صحيح طريقې سره د دې لانجې نه ځان خلاص کړی وي، که نوره څه مسئله وي نو په لاندې کمنټ يا ميسج او يا هم په اېميل کښې يې مونږ ته ووايئ.

نور ولولئ

په اېم اېس ورډ کښې خپل کتاب په خپله جوړ کړئ

سلامونه! نن د نوي کورس سره زه بيا ستاسو په حضور کښې يم، زياتره ملګري غواړي چې په اېم اېس ورډ کښې کتاب جوړ کړي، خو نه پوهېږي چې څنګه، ځينې خو بيا داسې هم وي چې په اېم اېس ورډ پوهېږي خو د کتاب جوړولو طريقه ورله بيا هم نه ورځي، يا په خاصه توګه شاعران او اديبان ملګري خپل ليکونه يا شاعري په خپله کمپوز کړي او بيا وروسته په نوره طريقه نه پوهېږي چې څه وکړي، نو دا کورس د دغه بره ذکر شوو ټولو کسانو دپاره دی، دوی کولی شي چې د دې کورس په کتو سره خپل کتاب په خپله په اېم اېس ورډ کښې جوړ کړي، د کتاب د جوړولو ټوله طريقه ښه په تفصيل سره په دې کورس کښې ښودلی شوې ده.

• د اېم اېس اېکسل زده کړه

اېم اېس ورډ د اېم اېس آفس يا مائيکروسافټ آفس يوه برخه ده، د دې نه علاوه هم د دوی اېم اېس اېکسل، اېم اېس پاور پوائنټ او نور ډېر مشهور پروګرامونه دي چې خلک يې استعمالوي، خو په دې ټولو کښې يو اېم اېس ورډ هم دی په ټوله دنيا کښې ډېر زيات استعمالېدونکی دی. اېم اېس ورډ د ليکلو دپاره استعمالېږي، تاسو پکښې خپل کتابونه، مجلې او نور سرکاري او غېر سرکاري چې څومره ليکونه يا خطونه دي، هغه ټول دلته تاسو جوړولی، ليکلی او برابرولی شئ.

• د Ulead Video Studio 11 زده کړه

د اېم اېس ورډ د کورس د زده کړې دپاره تاسو په دې لنکونو باندې کلک وکړئ او ټولې ويډيوګانې د سر نه تر اخره پورې وګورئ، پرېکټس يې وکړئ او خپل کتاب/مجله/خطونه او ليکونه په خپله وليکئ.

په اېم اېس ورډ کښې د کتاب د جوړولو کورس:

• يوټيوب
• وېبپاڼه

د اېم اېس ورډ کورس:

• يوټيوب
• وېبپاڼه

اميد دی چې تاسو به د دې نه ډېر څه زده کړي وي، که څه خبره وي یا درته پکښې څه مشکل راپېښېږي نو ضرور يې مونږ ته وئيلی شئ، مونږ به کوشش کوو چې ستاسو مشکل حل کړو. مننه

نور ولولئ

خپل بلاګ په خپله جوړ کړئ

سلامونه او مينه والو! تاسو غواړئ چې ځان ته په خپله بلاګ جوړ کړئ؟ غواړئ چې بلاګ چرته جوړ کړئ، نو راځئ چې زه درته يوه اسانه لار دروښايم، بلاګر چې د ګوګل د وړيا بلاګونو جوړولو ځای دی، دلته تاسو خپل بلاګ بالکل ويړيا جوړولی شئ، تاسو کولی شئ چې د خپل بلاګ دپاره بالکل ويړيا په لکونو ډيزائنونه ډاونلوډ کړئ او څومره چې کولی شئ هغه هومره خپل بلاګ ښايسته کړئ، هغه هومره کار پکښې وکړئ.

په بلاګر کښې بلاګ جوړول ډېر اسان دي، په ډېره اسانه طريقه تاسو کولی شئ چې ځان ته، خپلې کمپنۍ ته، خپل کاروبار ته او که هر يو څيز دپاره تاسو بلاګ جوړول غواړئ نو دلته نه يې ډېر په اسانۍ جوړولی شئ. د بلاګ دپاره تاسو خپل ډومېن نوم هم اخستلی شئ او په خپل بلاګ کښې يې لګولی شئ، که نه، نو د بلاګ په Address هم تاسو خپل بلاګ ټول عمر دپاره استعمالولی شئ.

• د بلاګر زده کړه

په دې ننني کورس کښې به مونږ دا زده کوو چې په بلاګر کښې پښتو بلاګ څنګه جوړ کړو؟ ځکه چې بلاګ په اصل کښې د انګرېزۍ دپاره جوړ دی، د انګرېزۍ سره سره پکښې ځينې نورې ژبې هم شته خو پښتو پکښې نشته، نو که تاسو ځان له پښتو بلاګ په بلاګر کښې جوړول غواړۍ نو بيا دا کورس هم ستاسو دپاره دی، په دې کورس کښې به تاسو زده کړۍ چې پښتو بلاګ څنګه جوړول کېږي. دا ټول په دې لاندې کورس کښې په تفصيل سره ښودلی شوي دي.

دا يو پلی ليسټ دی او بله ويډيو په خپله لګي، که نه نو د Next بټن په کلک کولو سره تاسو بله ويډيو هم کتلی شئ.

زمونږ نور کورسونه تاسو په يوټيوب چېنل او په پښتو ټوټيوريلز وېبپاڼه کښې هم کتلی شئ.

نور ولولئ