سلامونه مينه والو! نن درته په دې هلکه چې تاسو به په خپل فېسبوک دېوال باندې وينئ چې کومه ويډيو ستاسو مخې ته راځي نو په خپله Automatic پلی Play کېږي. دا ځينې وخت کښې ډېره لويه مسئله شي، د ځينو خلکو نېټ ډېر کمزوری وي نو چې کله دا په wall راتلونکې هره ويډيو هم پلی Play کېږي نو بيا يې نېټ نور هم کمزوری شي، يا ستاسو نېټ د پېسو په حساب وي او چې تاسو څومره ډېر څيزونه ګورئ يا پلی کوئ نو هغه هومره ستاسو پېسې يا MBs ختمېږي، نو په دې وجه هم ستاسو دپاره دا يوه لويه مسئله شي.
د فېسبوک د کاروونکو دپاره دا يو ډېر لوی سر درد دی، يو کس به غواړي چې بل څه وګوري او هر سيکنډ پس ورته ويډيو په خپله، بغېر د اواز نه پلی کېږي، يا به څوک نه غواړي چې ويډيو وګوري او ويډيو ورته په خپله پلی کېږي، نو د دې نه د خلاصي دپاره په دې لاندې طريقه باندې عمل وکړئ او د دې جنجال نه ځان خلاص کړئ.
د ټولو نه مخکښې خپل فېس بک راخلاص کړئ، بيا سيټنګ ته ورشي (سيټنګ ته تلو دپاره دلته کلک وکړئ)، د سيټنګ په آفشنز کښې لاندې وګورئ، چپ اړخ ته به د ټولو نه لاندې ويډيو Video ليکلي وي، په دې باندې کلک وکړئ، بيا د Auto-Play Videos آفشن ښي اړخ ته وګورئ، دلته به يوه بټن وي چې پرې به يې ليکلي وي Default، په دې باندې کلک وکړئ او دا Off ته بدله کړئ او Save يې کړئ.
په دې لاندې تصوير کښې يې طريقه د ۱ او ۲ په شکل کښې وګورئ.
اوس به ستاسو مخې ته راتلونکې ويډيوګانې په خپله نه پلی Play کېږي، اميد دی چې تاسو په په صحيح طريقې سره د دې لانجې نه ځان خلاص کړی وي، که نوره څه مسئله وي نو په لاندې کمنټ يا ميسج او يا هم په اېميل کښې يې مونږ ته ووايئ.په ويډيو کښې دا طريقه کتلو دپاره په دې لنکونو باندې کلک وکړئ:
ويډيو په وېبپاڼه کښې | ويډيو په يوټيوب کښې
0 comments:
Post a Comment